Karachi main traffic ki surat-e-haal

Karachi jo ke Pakistan ka sub se bara aur mashur sheher hai. Is ko roshaniyon ka sheher bhi kaha jata hai karachi sanati lehaz se bhi buhat bara sheher hai. yaha logo ko har kisam ki sahuliyat faraham hai. lekin aik taraf jaha sari aasaishain mujood hai. To dosri janib buhat se masail bhi darpaish hain. Jin main se sub se ahim masla traffic ka jam hona hai. Kisi bhi sheher main transport ya traffic ke nizaam ka mustehkam hona na gazer hai. Kyu ke ye shehriyon ke liye amaadoraft ka ahim zariya hai. lekin agar karachi main traffic ki bat ki jae. Tu ye sub se bara masla hai. yaha traffic main ye  masla kyu hai? aur is ki kia wajohaat hai? ke karachi main traffic ki kaisi ka shehriyon ko samna karna parhta hai?

                   Karachi main traffic ka masla itna barh chuka hai. jo na shayad kabhi hal ho paya hai. aur na kabhi hal ho ga. Is ki waja ye hai. ke yaha par abadi barhti ja rahi hai. aur traffic main bhi is ke sath sath izaafa hota ja raha hai. is ki dosri waja qawanien ki pabandi na karna. Baaz shehri traffic ke qanoon par amal nahi karte. Jo hukumat ne shehriyon ke liye banae hai. traffic ke usoolon main jo chezain hai. un main sub se zaroori traffic light hai. jo traffic ko control karne ke liye hoti hai. lekin baaz shehri isse nazar andaaz kar daite hai. aur jaldi jaldi jane main ye ausool jo government ne hamare tahafoz ke liye banaya use tor daite hai. jo aage jakar hadsaat ka sabab bante hai. aur hadsaat zyada tar issi waja  se hote hai. is ke ailawa dosri waja ye hai. ke karachi main kuch sarke buhat choti hai. aur traffic ki taadaat buhat zyada hai. lekin baaz jaga jaise tariq road, hyderi market, sadar aur nazimabad main sarkain zyada choti nahi hai. lekin baaz log waha gariyan park kar daite hai. jaga ki kami ki waja se road block ho jate hai. aur gariyon ki amad-o-raft main masla hota hai. is ke ilawa road par kuch log jo stall ya thiye (thele) laga kar jaga gair laite hai. is ki waja se bhi road jam hi jata hai. aur jo log paidal chalte hai. inko bhi dushwari ka samna karna parhta hai.

Shehriyon ko chaheye ke wo in traffic ki mushkilaat se nikalne ke liye in usslon par baqaidgi se amaal kare. Aur government ko chaheye. Ke no parking main park hone wahi gariyon par sakht iqdamaat kare. Wo stall jo gair qanooni tor par khare kiye gaye hai. unhein hataya jae. ta ke traffic ki rawani  main khalal paida na ho sake. Main ne apni rae de di hai. ab main chahti ho. Ke ap bhi apni rai se hume agah kare. Aur batae ke hukumat ko aur kia kia iqdamaat karne chaheye.

Shukariya.

Regards : asma ameer uddin