PK NA BHAYE HINDUSTANIYON KO

Jaisa ke ap log jante hain ke indian film industry kafi taizi se tarakki kar chuki hai. boht se adakaron ne apne hunar dikhaye or kafi pasand kiye gaye hain jiski bunyaad per indian film industry qabil-e-tareef hai. Is industry ko agey le jane ke liye boht se adakaar or adakara ne apni adakari ke johar dikhaye hain or apni adakari se puri duniya main naam kamaya. Isi tarha ek adakaar “AMIR KHAN” ne bhi boht si filmain banaye hain or apni adakari se logon ka dil jeeta lekin hali main hi inki ek film jiska naam “PK” hai. Us film main unhone ek aisa kirdaar nibhaya or aisi story banaye jis per boht se sawalat uthaye gaye or is film ko kafi pasand bhi kiya gaya. Lekin in aitrazaat ki kya waja hai? or ye film Hindustan main hi q band ki gaye?

      PK film ki kahani or filmon se boht alag hai. Is film main ek taraf Musalman larke ka relation ek hindu larki ke sath dikhaya gaya to dosri taraf her mazhab per nazar e sani ki gaye. Film main ek alien jo dosre planet se ata hai uska remote chori hojata hai. Remote ko hasil karne ke liye wo her mazhab ka darwaza khat khatata hai lekin jab remote nahi milta to wo mayoos hojata hai. Wo ek mandir main jata hai or ek hindu se sawal karta hai ke agar bhagwan her jaga hain to hum moortiyan bana ker unki pooja q karte hain? Samajh nahi ata ke bhagwan ne humain banaya hai ya humne bhagwaan ko. Is baat per Hindustani awam ne ikhtilaf kiya or Hindustan ke wazir-e-azam Narendra modi ne na sirf is film ko band kiya balke Amir khan ko shaded tanqeed ka nishana banaya gaya. Is film main Amir khan ne wo haqeeqat bayan ki hai jisko Hindustani awan na tasleem karna chahti hai or na karegi. Film ke mutalliq boht si press conferences bhi huyen or Amir khan se Hindustan ke media ne bohat sawal bhi kiye. Amir khan ne nihayat hi aqalmandi or samajhdari se jawabat diye. Ye fim indian film industry ki ab tak ki films main se aisi film hai jis per Hindustani awam mutmain nahi hai.

        Akhir main ye kehna chahti hoon ke itne aitrazat ki bochar ke bawajood is film ne bharat main 500 cror ka business kiya jo k eek bohat bara record hai. dekha jaye to is mamle main bharat ka sensor board bhi utna hi zimedar hai jitna ke actor Amir khan kyu ke is baat se to sab hi waqif hain ke sensor board ke pass kiye baghair koi film parde per numaya nahi hosakti or sensor board main hindu bhi shamil hain. To film ke wo hisse jin per aitrazaat kiya jaraha hai Amir khan ko hi kyu ilzam diya jaraha hai? kya film sirf Amir khan ne banaye hai? Nahi, film main director, producer, writer sab barabar ke shareek hain or in film se talluq rakhne wale director, producer or writer bhi hindu hi hain. To sirf Amir khan ko hi kyu qusoor war tehraya ja raha hai kyu ke film in sab ke sath hi mil ker banaye jaati hai is hisaab se ye sab bhi barabar ke qusoorwar hain. Ab ye ap logon per hai ke kon sahi hai or kon ghalat? Apniraye dain or batayen kya is film main kaam kar ke kya Amir khan ne ghalat kiya hai?