PAKISTAN KA TALEEMI NIZAAM

Taleem sub ke liye buhat zarrori hai .  Taleem ke bagair koi bhi insan taraaki nahi kar sakta . taleem ka nizaam har mulk ka dosre mulk se alag alag hota hai . issi nizaam par taleem ka mayar buland hota hai . lekin main Pakistan ke taleemi nizaam ki bat karungi . hamare mulk main taleem ka nizaam kaisa hai ? aur kis tarha chal raha hai?

       Pakistan ka taleemi nizaam waise tu buhat acha hai . lekin baaz wajohaat ki waja se is nizaam ko nakara kar diya hai . is taleemi nizaam ko bekaar karne main kuch log bhi shamil hai . jinho ne apne mafadaat ke liye in bacho ke mustaqbil ke sath khel rahe hai . jo age chal kar hamare mulk ki taraaki main rukawat daal rahe hai . is ki sub se ehim waja ye hai ke is nizaam  main kuch log paise lekar in logo ko age barhate hai . jin main qabliyat nahi hoti aur jo taleem se be khabar hote hai . aur sifarish ki bunyaad par age nikal jate hai . jab ke jo qabliyaat rakhte hai . aur is ke haq dar hote hai . wo peche reh jate hai . is ki dosri bari  waja ye bhi hai ke log rishwat de kar mehnat ke bajae position khareed laite hai . aur hamara taleemi nizaam buhat purana hai . aur hum agar dosre mumalik ko dekhe tu un ka takeemi nizaam hamare taleemi nizaam se buhat mukhtalif hai . aur job hi usool banae jate hai . wo sub ke liye barabar hai . chahe us main koi bhi ho . aur wo waqt ke sath sath is taleemi nizaam main kuch tabdili bhi karte rehte hai . jo bacho ke zehan ke mutabiq ho . aur bache taleem ko boj na samjhe . jab ke Pakistan ke taleemi nizaam main tabdili tu ati hai lekin talib-e-ilam ke liye nahi hoti jis ki waja se bache taleem se dor bhagte hai aur darte hai .

        Mere likhne ka maqsad ye hai ke hamare taleemi nizaam ko behtar banaya jae . jo sub ke liye aik jaisa ho . aur imaan dari se is par amal kiya jae . take hamara mulk taraaki kar sake . aur wohi log aage barhe jo is ke haqdar hai . take aage chal kar Pakistan kisi ghalat hato main jane se bach jae . kyu ke jab taleem ka mayar thek hoga tu hamara mulk bhi dosre mumaalik ki tarha taraaki karega  .